Antes iniluwas kan Sandiganbayan asin ikasar kan mga awtoridad ang warrant of arrest para sa non-bailable na kasong plunder, naenot na suboot na-confine sa ospital si dating House Speaker Martin Romualdez.
Segun ki DILG Secretary Jonvic Remulla, dinara sa ospital si Romualdez pasado alas-4 nin hapon ngunyan na Lunes, Setyembre 7, makalihis suboot makaeksperyensya nin cardiovascular event, bako stable na blood pressure asin anxiety attack.
Pormal na iniluwas kan Sandiganbayan Third Division an arrest warrant asin hold departure order laban kay Romualdez asin sa iba pang akusado katakod kan P7.4 bilyong plunder charge kaini ngunyan na Lunes.
Huli digdi, nagpasiring an mga personahes kan CIDG sa Cardinal Santos Medical Center sa San Juan City, kung saen naka-confine ang kongresista.
Sa ospital room mismo ni Romualdez ikinundusir kan kapulisan an booking procedure makalihis siyang basahan kan saiyang mga direchos asin ideklarang person deprived of liberty (PDL).
Huli sa nagkapirang medical apparatus na nakakabit sa dating Speaker, isinulog muna saiya kan mga personahes kan CIDG ang detainee shirt antes kuwaan nin ladawan bilang parte kan booking procedure.
Sinaysay ni Remulla na maputla suboot an itsura ni Romualdez.
Kasabay kan saiyang pagkaka-confine asin pag-arestar, nagsunad nin urgent motion an saiyang mga abogado sa Sandiganbayan nganing hagadon na magtinir muna siya sa ospital.
Kabale sa mga inilatag na rason kin saiyang lado an saiyang historya nin kamatean sa puso asin iba pang kondisyong medikal na kinakaipuhan suboot nin padagos na pagbulong asin monitoring.
Nagsairarom suboot an akusado sa angioplasty surgery kan Oktubre 5, 2024 huli sa coronary artery disease asin puon kaito an nanagaipuhan nin padagos na cardiac monitoring asin pagbulong.
