LEGAZPI CITY-Piglalaoman kan konseho kan Barangay Bigaa sa ciudad kan Legazpi na makompleto na an pigsasagibong road reblocking sa lugar antes an pagsapit kan Semana Santa.
Segun kay Kapitan Koko Arienda, sa intrevista kan Bombo Radyo Legazpi na dai talaga maiibitaran an pagkawsa nin traffic huli sa padagos na konstruksyon kan reblocking.
Paspasan man suboot na pigta-trabaho ini kan mga contractor asin ngonian naka-focus sa pagpapa-kongkreto sa ibong na tinampo.
Sa presente nabawasan na suboot an trapiko huli sa igwang nagmamando sa lugar siring kan saindang mga barangay tanod.
Padagos man an saindang monitoring sa pagpapatrabaho kun sain nag-aabot ini nin 24 oras sagkod banggi.
Sinabi man kan opisyal na laoman ninda na matapos ini sagkod sa katapusan.
