LEGAZPI CITY – Aminado an mga opisyales kan Barangay Rawis, Legazpi City na pirang bulan na an nakakalihis kan punan an pirang road reblocking sa saindang lugar na dae pa natatapos sagkod sa presente.
Sa intrevista kan Bombo Radyo Legazpi ki Punong Barangay Joel Orosco, na basado sa saiyang pakikipag-olay sa mga contractor kan proyekto na nagkakaigwa nin delay sa pagtrabaho huli sa pabago-bagong panahon na pwedesir maka-apektar sa kalidad kan magigin resulta kan mga bagong tinampo.
Sa ibong kan nasasabotan niya an paliwanag kan mga contractor alagad saiya man na pigtuyaw an dae pagbubugtak kan mga ini nin mga signages o tarpaulin kun pira an budget na ginamit asin kun nuarin ini matatapos.
Paliwanag niya na an mga road construction sa Barangay Bigaa an nagigin rason sa paggubot kan trapiko na nag-aabot sagkod sa saindang lugar urog na kun rush hour.
Segun pa sa opisyal na kabale sa mga pigtataram na rason kan mga contractor sa pagka-octaba kan mga patrabaho an pagkawara kan pirang kagamitan na pigtutubudang pighahabon.
Pangapodan man ni Orosco sa Department of Public Works and Highways na parikason an pagtrabaho sa kakalsadahang sakop kan saindang Barangay siring man an road construction sa Barangay Bigaa nganing malikayan an pagkabalahaw kan mga motorista.
