LEGAZPI CITY-Piglalaoman kan konseho kan Barangay Travesia sa Guinobatan Albay na matapos na an road construction ngani maibitaran an mga aksidente.
Segun kay Kagawad Silverio Pielago sa intrevista kan Bombo Radyo Legazpi na problema ngonian sa saindang lugar an haloy nang konstruksyon kan road widening asin tulay kun sain na hasta ngonian an dai pa natatapos.
Limang taon na suboot ining dai pa natatapos kun sain nakakaperwisyo na sa mga commuters asin mga motorista.
Nagsangat na man sinda nin resolusyon sa lokal na gobierno ngani na bistahon asin inspeksyunon asin maipaabot ini sa national government.
Pigkwestyun man kan konseho an rason kan pagka-antala kan konstruksyon na ngonian problema an mga tubo asin pressure kan tubig na nagbuburos sa mga kakalsadahan.
Piglalaoman sa ngonian kan konseho an makaskas na pagtatapos kaini ngani maibitaran an mga aksidente.
