Rinibong mga suldados gikan sa elite 82nd Airborne Division kan U.S. Army an nagpoon nang mag-abot sa Middle East, mantang pig-iisipan ni U.S. President Donald Trump an masunod na lakdang sa gera laban sa Iran.
Napag-araman na an mga soldados, na gikan sa Fort Bragg sa North Carolina, dagdag sa mga naenot nang ipinadara na pwersa kan Estados Unidos kabale an mga Marines, Navy, asin Special Operations units.
Ngonian na weekend, poca mas o menos 2,500 na Marines an nag-abot man sa rehiyon.
Dae pa malinaw kun saen eksaktong ipapadara an mga tropa, alagad piglalaoman na magiging parte ini kan preparasyon para sa posibleng mas mahiwas na operasyon.
Sa presente, wara pang pinal na desisyon kun malaog an mga suldados na Amerikano sa laog kan Iran.
Susog sa mga bareta, pwedesir gamiton an mga tropa sa manlaen-laen na misyon, kabali an pagsakop sa Kharg Island na sentro kan haros 90% kan mga oil exports kan Iran, mantang pigsyertong salbado na pag-agi kan mga oil tanker sa Strait of Hormuz.
Igwa man suboot nin mga orolay manungod sa paggamit nin mga ground forces nganing makuwa an highly enriched uranium kan Iran, sa ibong kan pigkokonsiderar ini na sarong peligroso asin komplikadong operasyon.
Mientrastanto, sinabi ni Trump na nakikipag-olay an Estados Unidos sa mas “reasonable” na liderato kan Iran nganing tapuson an gera, alagad nagpatanid man siya na pwedesir mag-atake an Estados Unidos sa mga oil facilities kan Iran kun dai mabuksan an Strait of Hormuz.
Alagad, an posibleng paggamit nin mga ground troops an igwa nin mga peligro sa politika, orog nang hababa an suporta kan publiko kan Amerika para sa gera asin dati nang nagpromesa si Trump na likayan an mga bagong iriwal sa Middle East.
Poon kan magpoon an operasyon kan Pebrero 28, sinakyada kan U.S. an labi 11,000 na target, na may labi 300 na mga soldados na nairido asin 13 nagadan sa irarom kan Operation Epic Fury.
