Ipagpapadagos man liwat kan Ukraine an ribayan nin mga bihag sa pagultangan ninda kan Russia.
Segun ki Ukrainian military intelligence chief Kyrylo Budanov na warang katotoohan an pigpapalakop kan Russia na uminatras sinda sa kasunduan na gigibuhon sa masunod na mga aldaw.
Dugang pa kaini na warang rason ngani na ma-octaba an ribayan ninda nin mga bihag na suldados kun sain nasa 6,000 an mga irido asin may helang.
Enot kaini, pigkakahadit kan Russia na dae malawos an prisoners swap huli sa mga nangyaring drone strike sa duwang lado.
Marurumduman na nakatalaan na magkondusir nin pag-oolay an duwang lado kun sain papangenotan ini kan Estados Unidos ngani na mapundo na an labi sa tulong taon na labanan.
