LEGAZP CITY- Padagos an ipigkokundusir na power restoration kan Albay Electric Cooperative sa bilog na provincia kan Albay makalihis na madistroso an mga linya kan kuryente huli sa nag-aging kalamidad.
Sa intrevista kan Bombo Radyo Legazpi ki ALECO spokesperson Anj Galero, sinabi kaini na maabot na sa 61.94% an naibalik na an suplay kan kuryente.
Alagad dakol man liwat an padagos na pigpapakarahay na mga linya nin kuryente urog pang may mga lugar pang nagtetenir na isolated.
Aminado man an opisyal na nagiging padifisilan an pagbabalik sa suplay kan kuryente sa banwaan kan Pio Duran huli ta dae pa maagihan an nagkapirang mga tinampo.
Sa ibong kaini, sinierto ni Galero na pighihidali na an restoration kan kuryente ngani na mapailawan an bilog na provincia antes an yuletide season.
