LEGAZPI CITY-Nagsasairarom sa pag-krear nin mga value-added products gikan sa Abaca an mga residentes sa Catanduanes ngani mas mapahiwas pa an saindang oportunidad asin kabuhayan.
Segun kay PHILFIDA Catanduanes Provincial Fiber Officer Bert Lusuegro, sa intrevista kan Bombo Radyo Legazpi na nagkakaigwa sinda nin tulong aldaw na training poon kan Marso sa gabos na munisipalidad kun sain igwang tag-duwang partisipantes.
Pigtutukduan an mga ini na maggibo nin school bags na gibo sa Abaca.
Mientras tanto, padagos pa an training sa Virac, kun sain school bags asin “wine” baman an saindang pigsasagibo kapartner asin suportado mismo kan mga local government units.
Nagsagibo naman sinda nin traing sa San Miguel kun sain igwang 43 na mga partisipantes ngani mas pahiwason pa an livelihood trainings asin value adding sa produkto.
Tinawan doon man ni Lusuegro na an provincia an produsir kan materyales kaya pigda-dagdagan ninda ini sa paagi kan mga Abaca based products.
Kadakol man suboot sindang nagtarabang-tabang ngani maitaguyod an nasabing livelihood trainings, na dakulang tabang sa mga residentes.
Sinabi pa kan opisyal na makakatabang ini sa mga agom kan farmers ngani igwang mai-market bilang igwang consolidator an saindang mga produkto.
Nagtatanggap man sinda nin mga bako miembro basta desidido na makaukod kun kaya pige-enganyar nindang mag-partisipar sa aktibidad.
Sa ibong kaini, pinaghahandaan na man ninda an mitigation measures sa pag-abot kan El Niño asin diseases huli ta naninilaw an kadaklan sa mga plantation enkaso ma-expose nin halawig sa tag-init.
