LEGAZPI CITY-Pig-rereklamo liwat kan residente sa Brgy. San Ramon, Daraga, Albay an padagos na pagdakol kan mga langaw sa saindang lugar huli sa sarong poultry asin garbage landfill.
Segun kay Leo Montales, residente kan nasabing barangay, sa intrevista kan Bombo Radyo Legazpi, na bako ‘healthy’ an sitwasyon ngonian kan saindang lugar.
Haros 13 taon na suboot na nag-ooperar an nasabing landfill asin 7 taon na man an nasabing poultry.
Sinabi pa ni Montales, na “very obvious” an pagdakol kan mga langaw asin kadakol suboot na ebidensya kun hihilingon pa sa paagi kan mga videos asin pictures.
Haloy na suboot ining problema sa saindang barangay, asin nag-olay naman mapadapit digdi an mga opisyal, alagad
nagbabalik man liwat asin nagigin pabaya an mga Barangay officials, LGU, magin sa provincial level asin an mismong kadsadiri kan establisyemiento.
Nag-promesa man suboot an mga ini asin igwa nang pinirmahan na agreement alagad padagos na nauulit suboot an sitwasyon sa lugar.
Pag-doon pa kan residente na “binababoy” suboot an saindang lugar huli sa epekto kaini sa saindang pamumuhay.
Apektado man suboot kaini an mga residente orog na sa mga harani sa landfill, kun sain haros 10 taon na an masangsang na parong.
Pigkakahadit man kan mga residente na makaapektar ini sa saindang salud asin mentalidad huli sa mikrobyo na bitbit kan mga langaw asin basura sa saindang mga harong.
Pangapudan man ni Montales sa mga opisyal na tawan nin magkakanigong solusyon an saindang problema asin bisitahon mismo an lugar ngani saindang mahiling an presenteng sitwasyon.
