Nakapagsumitir na nin boto si Republican presidential nominee Donald Trump alas dyis nin aga sa Palm Beach, Florida kaibanan an saiyang agom na si Melania trump.
Segun ki Trump sa paghampang kaini sa media, nakatuon na an saindang atensyon sa posibleng turn-out sa nagpapadagos na pagboto kan mga botante sa gabos na estado kan america.
Marurumduman na bago magbukas an botohan nagin matindi an mga isinagibong kampanya ni Trump sa North Carolina asin Pennsylvania bago an grand finale campaign kaini sa Grand Rapids, Michigan.
Mientrastanto pig-enganyar man kaini an mga botante na magluwas asin magboto.
