LEGAZPI CITY-Uminabot na sa US $.17 bilyon an cash remittances hale sa Overseas Filipinos (OFWs) sa bulan kan Oktubre 2025, mantang nagrapado sa US $29.20 bilyon an kabilugang kantidad poon kan Enero sagkod Oktubre.
Segun sa Bangko Sentral ng Pilipinas (BSP), nagtetenir na pangenot na pinagpoonan kan remittances an Estados Unidos, na sinundan kan Singapore asin Saudi Arabia.
Sa parehong bulan, nairehistro man an personal remittances, kaiba an cash na pigpapadara sa bangko, informal channels, asin remittances in kind, na uminabot sa US $3.52 bilyon, asin US $32.49 bilyon sa kabilugang sampulong bulan.
An remittances, importanteng magin parte kan ekonomiya kan Pilipinas, na normal na pigbibilog kan 9–10% kan Gross Domestic Product (GDP).
Kan nakalihis na taon, uminabot sa US $33.5 bilyon an kabilugang remittances, asin laoman na mahalangkaw pa ini ngonian na taon huli sa padagos na paghalangkaw kan demand sa Filipino workers abroad.
Dakulang parte man kan remittances an napapaduman sa household consumption, edukasyon, asin pabahay na nakakatabang sa paguswag kan lokal na ekonomiya.
Segun sa ahensya na an padagos na pagpapatibay kan piso laban sa dolyar asin sa pagbawas kan epekto kan global economic uncertainties.
