Isinumiter na para sa resolution ang reklamong plunder ki dating Ako Bicol Party-list Representative Zaldy Co na isinunad sa Department of Justice (DOJ).
Kinumpirmar ini ni Justice spokesperson Atty. Polo Martinez sa sarong pulong balitaan kan Biyernes, Pebrero 6.
Magigiromodmang nagsunad an National Bureau of Investigation (NBI) nin plunder complaint laban sa dating lehislador sa DOJ kan Enero 5 kan presenteng taon.
May kinaaraman an nasabing kaso sa suboot anomaliya sa flood control project sa Naujan, Oriental Mindoro. Kaiba an respondents ni Co an pirang opisyal kan Department of Public Works and Highways (DPWH) na dae na pinangaranan.
Tinawan kan DOJ si Co nin palugit sagkod Enero 15 para magsumiter kan saiyang counter-affidavit.
Nagtutugma man ini sa isinunad ni Co sa Korte Suprema na petisyon na may parehong petsa, kun saen hinagad niya na mapundo an paglilitis sa mga kaso laban saiya sa Sandiganbayan.
Naka-attach man sa petisyon ni Co ang apostille kung saen nakasaad na nasa Stockholm, Sweden siya kan Enero 15. Taliwas ini sa naenot na nai-report na nasa Portugal ang dating lehislador.
