LEGAZPI CITY- Pupunan na ngunyan na taon an isasagibong rehabilitation asin pagsalbar sa Asid Gulf kan Masbate.
Piglalaomang aabuton nin hasta pitong taon an isasagibong rehabilitasyon na susog naman sa FishCORAL Project na popondohan kan Bureau of Fisheries and Aquatic Resources (BFAR) asin International Fund for Aquatic Development.
Sgeun ki Provincial Information Officer Nonielon Bahalihog, Jr., tanging an nasabing golpo sa enterong Bicol region an napili para sa proyekto kun saen pig-eksplikar suboot kan BFAR sa pag-oolay na inatendiran kaini na huli sa ini an nakapagrehistro nin pinakadakulang danyos na dara kan illegal fishing.
Mamundo pa kaining binalikan an mga panahon kan masagana asin hitik na mga yamang-dagat na makukua sa nasabing fishing ground.
Katakod kaini, obheto kan mga otoridad na dakula an maitatabang kan FishCORAL Project sa mga tios na parasira.
An Asid Gulf an primerong fishing ground sa probinsya kan Masbate asin pigkokonsiderar na pinakadakulang source kan marine products sa bilog na probinsya siring man sa Metro Manila.
Naglalaom sa nasabing golpo an mga banwaan kan Cawayan, Mandaon, Balud asin Milagros para sa pagkaon asin hanapbuhay.
