Nasa kamot na kan Irosin Municipal Police Station an pinagkukunsidirar na Rank 5 Regional Most wanted person kan Bicol.
Sa intrevista kan Bombo Radyo Legazpi kay Police Major Voltaire Jun Pedido, an Chief of Police kan Irosin Municipal Police Station sa Sorsogon nahahampang sa 4 na kaso kan suspek.
An suspityado an naarestar sa bisa kan warrant of arrest sa Barangay San Julian sa Banwaan kan Irosin
Nahahampang man an suspek sa patong patong na kaso, partikular na an nasa 2 count of sexual assault, rape asin act of Lasciviousness.
An 38 anyos na suspek an presenteng nasa kustudiya kan mga kapulisan kan Irosin para magkakanigong disposisyon.
Dae man na rekomendadong pyansa para sa saiyang paramientras na libertad an suspek.
Mientras tanto labi man an pasasalamat kan Irosin MPS sa gabos na nagtabang para maisakatuparan an pag-arestar sa suspek.
