LEGAZPI CITY-Naarestar kan mga otoridad an saro sa nakalista bilang Rank No. 6 Provincial Most Wanted Person sa Daraga Albay.
Basado sa mga impormasyon na binisto an suspetsado bilang si alyas “Ruben”.
Nagbabayolar an nasambitang suspetsado nin 2 counts sa Section 10 kan Republic Act 7610 o an Special Protection of Children Against Abuse, Exploitation and Discrimination Act asin 5 counts nin Rape asin Sexual Assault basado sa Section 5 kan Republic Act 8369.
Naarestar an suspetsado sa ikinasang operation basado sa bisa kan warrant of arrest na ipinaluwas kan Oktubre 21.
Sa presente nasa kustodiya na kan Daraga Munisipal Police Station an suspetsado para sa makakanigong disposisyon.
Mientrastanto, padagos man an kampanya kan mga otoridad sa pagsugpo sa krimen na may kinaaraman sa pagbabayolar sa ley.
