LEGAZPI CITY – Karsel an bagsak kan No.2 Regional Most Wanted Person makalihis ining madakop kan mga otoridad sa Brgy. Macawayan, Irosin, Sorsogon.
Segun ki Sorsogon Police Provincial Office Spokesperson PMaj. Arwin Destacamento sa intrevista kan Bombo Radyo Legazpi na naarestar an suspetsado sa bisa kan mandamiento de aresto na iniluwas kan korte.
Naisagibo an pagdakop sa paagi kan pinagsarong pwersa kan Irosin Municipal Police Station, Philippine Army, asin inteligence unit kan Sorsogon PPO.
Imbwelto suboot an suspetsado sa paggadan sa sarong uniform personel sa provincia asin kan sarong sibilyan.
Pigtaram pa kan opisyal na nagpalipat lipat pa ki lugar na pigtataguan an suspetsado kun kaya nahaloy man an saindang pag-arestar.
Dakulang bagay man suboot an pagkakadakop nin huli ta saro ini sa mga basehan na nakikipagtabangan an komunidad sa mga nagpapaotob nin ley.
Sa presente, nasa kustodiya na kan Irosin MPS an suspetsado para sa magkakanigong disposisyon.
Kahagadan ni Destacamento sa komunidad na maki-kooperar sa mga piggigibo kan kapulisan sa pagmantenir kan pazy orden nin huli ta dakula an saindang magigin ambag nganing mapagayon an provincia kan Sorsogon.
