LEGAZPI CITY—Naarestar an sarong lalaki na pigkonsiderar na Rank Number 10 Regional Wanted Person kan Bicol sa Barangay Balasbas, Manito, Albay.
Segun ki Manito MPS Officer-In-Charge Police Captain Jereck Banaynal, sa intrevista kan Bombo Radyo Legazpi, an suspetsado may kasong Qualified Rape of a Minor asin naarestar sa pinagsarong pwersa kan Manito Municipal Police Station, Albay Police Intelligence Unit, Criminal Investigation and Detection Group (CIDG) Albay asin Regional Intelligence Unit – Provincial Intelligence Team Albay.
Sa presente, an suspetsado nasa kustodiya kan Criminal Investigation and Detection Group (CIDG) Albay para sa dokumentasyon asin magkakanigong disposisyon.
