LEGAZPI CITY—Naarestar kan mga otoridad an pigkonsiderar na Rank 1 Regional Most Wanted kan rehiyong Bicol sa Tanza, Cavite.
Segun ki Baras MPS Chief of Police, Police Captain Brenda Hate, sa intrevista kan Bombo Radyo Legazpi, Ini naarestar sa tabang kan sibilyan kun saen nahanap kaini an saiyang pigteteniran asin nagtatrabaho bilang sarong construction worker.
Segun sa opisyal na haloy nang nagtatago sa ley an suspetsado kaya nagpasiring ini sa Cavite para maghanapbuhay.
An suspetsado mahahampang sa kasong murder asin homicide.
Dugang ni Hate, na an suspetsado residente kan banwaan kan Baras, Catanduanes.
Napag-araman na an biktima ka-barangay kan suspetsado asin an pinoonan kan insidente iyo an selos.
Mientrastanto, nangapudan man ini sa publiko na en kaso may bisto sindang mga indibidwal na nagtatago sa ley, dapat man na tulos ining i-report sa saindang opisina.
