LEGAZPI CITY — Hinali kan Department of Education (DepEd) Bicol an pagkahadit kan publiko dapit sa ikokondusir na random drug testing (RDT) para sa junior asin senior high school students sa parehong pribado asin pampublikong eskwelahan.
Segun ki DepEd Project Development Officer II – Regional Public Affairs Office Mark Kevin Arroco, dae man pupunan an RDT nin pambu-bully sa mga estudyante huli sa antes an testing, magkakaigwa muna nin orientation sa mga ini.
Tatawang linaw ninda sa mga estudyante an obheto kan testing ngane na dae magresulta sa pambu-bully kan mga eskwela. Sinabi pa ni Arroco na dae man magkakaigwa nin tokhang sa mga estudyante.
Sa irarom kan programa, aaramon suboot kan DepEd an paglakop kan drug users sa mga estudyante, ia-assess an effectivity kan school asin community-based prevention programs, asin sinda mismo an ma-facilitate kan rehabilitation en kasong may mag-positibo sa droga.
Mientras tanto, tinawang duon ni DepEd-Bicol Assistant Regional Director Tolentino Aquino na en kasong may magpositibo, magkakaigwa muna nin confirmatory test sa estudyante.
Masairarom suboot an mga estudyante sa interbensyon, magiging subject kan modular type nin pagturo, asin pwedesir na home-based type of learning.
