LEGAZPI CITY-Piglinaw kan sarong Quarry operator na igwa siyang permit asin lisensya sa saiyang quarry operation sa Brgy. Malobago sa banwaan kan Daraga Albay.
Ini makalihis an nangyaring kariribukan kun sain natuyaw an saiyang quarry huli sa mga para-pala, alagad wara suboot siyang violation sa nangyari.
Segun kay Joel Michael Alamares an Quarry Operator sa nabanggit na lugar, na igwang permit asin lisensya an saiyang quarry na nasa 3.6 hectares.
Piglinaw pa niya na nag-agi ini sa surveyor, mga dokumento asin nakapasar ngani matawanan nin lisensya.
Tinawan doon kan Quarry operator na responsibilidad niya enkaso maaraman na igwang mga para-pala sa tangod kan saiyang quarry, kaya nangangapudan siya na maghanap man an mga ini nin mga lugar asin magkaigwa man nin sadiring permit.
Mientrastanto, mantang nag-viral suboot an pangyayari sa social media, hagad niya sa gabos na dai paggamiton ini sa salang paagi, siring kan mga media na bako ‘one sided’ ngani matimbang an sitwasyon.
