Inaprubaran kan hibabang kapulungan an propwestong ley na nagbababa nin excise tax sa sigarilyo, tabako, asin vape products nganing tugunan an pagbaba kan ganansya hale sa mga produktong ini.
Susog sa bagong propuesto, an presenteng buwis na ₱66.15 kada pakete kan sigarilyo an mahalangkaw nin 2% kada even-numbered na taon poon Enero 1, 2026, asin 4% man kada odd-numbered na taon poon Enero 1, 2027 hasta sa ultimong aldaw kan Disyembre 2035.
Obheto kan lakdang na ini na pugulan an paglakop kan iligal na kalakalan kan sigarilyo na kawsa kan halangkaw na buwis.
Makalihis an nasambitang panahon, isasagibo an pagsusuri sa epekto kan mga bagong rate sa ganansya kan gobyerno, gastos sa salud, asin paglakop kan paninigarilyo.
An mga bagong rate na ini an mas hibaba kumpara sa itinakda kan 2012 Sin Tax Law, na nagpaotob nin ₱60 na buwis kada pakete kan sigarilyo kan 2023, na naghahalangkaw nin 5% taun-taon poon kan Enero 1, 2024.
