LEGAZPI CITY-Isinangat ni CIBAC Partylist Representative Eddie Villanueva an prowestong ley ngani ipagbawal an paggamit kan social media sa mga jovenes na wara pa sa edad na 16-anyos.
Sa House Bill 8262 o an “Social Media Protection For Minors Act,” obheto na sai dapat muna tugutan an mga joven na edad 16-anyos pababa na magkaigwa nin access sa social media.
An nasabing lakdang bilang kasimbagan sa nagdadakol na negatibong epekto sa mental health, kaligtasan asin pag-talubo kan mga kaakian huli sa paggamit kan social media.
Sinabi pa ni Villanueva na sarong moral asin nacional na responsibilidad an pagprotehir sa mga kaakian sa paggamit kan social media.
Pigkakahandal man suboot an negatibong epekto kan social media sa mga kaakian, kun sain madali sindang ma-expose sa violence, bulgarity, asin nagkapirang negatibong gawi.
Marurumduman na nag-implementar nin pagbabawal sa mga jovenes sa paggamit kan kan social media an Australia, na sinundan kan France, Spain, Malaysia, asin Indonesia.
