Nag-abot sa P6.35 trillion an proposed national budget kan Pilipinas para sa taong 2025.
Segun kay Budget Secretary Amenah Pangandaman, mas halangkaw ini nin nasa 10.1 percent kung ikukumpara sa P5.767 trillion national budget ngunyan na taon asin nasa 22 percent kan Gross Domestic Product.
Segun kay Pangandaman, nilangkawan an proposed budget huli sa pinaglalaoman na mas dakulang gastos kan gobyerno sa masunod na taon huli sa isasagibong eleksyon.
Idagdag pa diyan an pagpapalangkaw nin allowance sa mga paratukdo, mas dakulang National Tax Allotment asin mas dakol na mga social services.
Pinaglalaoman na ipipresenta an 2025 proposed national budget sa Kongreso sa Hulyo 29, o sarong semana makalihis an State of the Nation Address ni Presidente Ferdinand “Bongbong” Marcos Jr.
