LEGAZPI CITY – Ipapalit na kan Department of Education Bicol an Project 6B o an Bawat Batang Bicolano Bihasang Bumasa at Bumilang sa 8 Week Learning Recovery Curriculum.
Segun ki Department of Education Bicol Director Gilbert Sadsad sa intrevista kan Bombo Radyo Legazpi na an 8 Week Learning Recovery Curriculum an pigtatao sa grade 1 to 3 pagpoon kan klase sa laog kan walong semana mantang an 6b an pigtatao sa mga estudyantre na may kakulangan sa pagbasa, pagbilang asin piggigibo kan mga volunteers na nagkukuwa nin kursong education.
Uminabot na man suboot sa 10,730 an numero kan mga nagin volunteer teachers asin tutors sa naunambitang programa kan departamento sa bilog na rehiyon kan nakaaging taon.
Nagkapira man sa mga problema na kinahampang kan implementasyon kan programa iyo an mga sunod sunod na mga bagyo na nangrapado sa nacion.
Mientrastanto, Pigtaram pa kaini na pighahanda na kan Deped Legazpi an mga playing venue na gagamiton sa paghost kan ciudad sa palarong bikol na gigibuhon sa masunod na bulan.
Sa hiling niya man, handa na an ciudad na maghost kan naunambitang pakawat nin huli ta nagtagama na an gobierno lokal kan Legazpi nin pondo na makakatabang sa pagsasaayos kan mga pagkakawatan kan mga delegado.
Pangapodan ni Sadsad sa mga estudyante na ipadagos sana an pag-aadal mantang nagmamaray na an kamugtakan kan panahon asin wara pang mga major activities na makakaulang sa mga klase sa rehiyon.
