Panibagong paglangkaw na naman sa produktong petrolyo an pinag-aantisiparan na ipaotob sa masunod na semana basado sa apat na aldaw na international trading.
Pigkakarkulong magkakaigwa nin dagdag na 70 sentimos hasta 90 sentimos sa kada litro kan gasolina.
Nasa 70 sentimos hasta piso man an dugang sa kada litro kan diesel mantang nasa 60 sentimos hasta 70 sentimos an dagdag sa kada litro kan kerosene.
Segun sa Department of Energy-Oil Industry Management Bureau na posibleng konektado ini sa naglalalang geopolitical situation sa Russia.
Komon na pig-aanunsyar an pinal na paghiro sa presyuhan tuyong Lunes asin pigpapaotob tuyong aldaw nin Martes.
