Pag-oolayan kan gabinete ni Presidente Ferdinand Marcos Jr. an propuesto kan Department of Health na magdeklarar nin national public health emergency huli sa paglangkaw kan kaso kan human immunodeficiency virus (HIV) sa nacion.
Segun ki Health Secretary Ted Herbosa na naipasa na an memorandum dapit sa nasabing isyu ki Presidente Marcos asin Executive Secretary Lucas Bersamin.
Napag-araman na nagkapirang beses ining na-octaba huli sa pagigin abala kan mga opisyal.
Oras na maideklarar an national public health emergency, matukar nin mga programa an Department of Health ngani na mapababa an kaso kan HIV.
