LEGAZPI CITY-Uminabot na sa P7 million an kantidad kan mga nadestrosong imprastaktura na mga pagsadiri kan Philippine National Police sa Catanduanes huli sa pagrapado kan bagyong Pepito sa probinsya.
Segun ki Police Brigadier General Andre Dizon, an regional director kan Police Regional Office 5 sa intrevista kan Bombo Radyo Legazpi, mga materyal na gamit kan mga istasyon kan kapulisan an naraot.
Ipinagpapasalamat man kan opisyal na salbado an mga personahes kan kapulisan.
Kadaklan sa mga nadanyaran an mga bubong asin kisame huli kan makukusog na paros asin duwang patrol car man an nagsapar nin minor damages.
Sinabi kan opisyal na sisikapon ninda na mapakaray an mga nadestrosong pasilidad sa lalong madaling panahon.
Mientrastanto, padagos man an pagtabang kan mga personahes kan kapulisan para magdistribuir nin relief goods sa mga naapektaran kan bagyo asin pagmamantenir nin peace and order sa probinsya.
