Piglalaoman kan Department of Agriculture (DA) na mababa an presyo kan karneng orig ngonian na bulan kan Marso.
Segun kay DA Secretary Francisco Tiu Laurel, posibleng bumaba sa P350 sagkod P360 kada kilo an presyo kan kasim asin pigi, mantang an liempo an posibleng bumaba sa P380 kada kilo.
An pagbaba kan presyo an kawsa kan padagos na pagbaba kan presyo kan buhay na orig.
Pigsyerto man kan DA na bastante an suplay kan karneng orig sa mga merkado.
Naglalaom an ahensya na makakatabang ini sa pagpapababa kan inflation rate sa nacion.
Mientrastanto inabisuhan kan departamento an mga konsyumer na samantalahon an pagbaba kan presyo kan karneng orig sa mga merkado publiko ngonian na bulan.
 expects the price of pork to fall this March.){kind=link}