Nagpatanid an Department of Agriculture (DA) sa posibleng paghalangkaw kan presyo nin bagas asin iba pangenot na barakalon pag-abot kan bulan nin Agosto, sa ibong kan pagsierto na bastante an suplay kan nacion sa mga masunod na bulan.
Segun ki Agriculture Secretary Francisco Tiu Laurel Jr., ang nakaambang paghalangkaw kan presyo an direktang epekto kan padagos na pagsakat kan presyo kan krudo sa pankinabang merkado na pinalala pa kan tensyon sa Middle East.
Ipinaliwanag kan kalihim na dae malilikayan an pagmahal kan mga barakalon kun magpapadagos an krisis. Ini an huli sa awtomatikong mahalangkaw man an gastos sa pataba, transportasyon, asin logistics na papasanon kan sekto nin agrikultura.
Sa ibong ka patanid na ini sa presyuhan, nilinaw kan ahensya na nagtitinir na matatag ang pangkalahatang suplay kan bagas sa merkado.
Bastante man suboot an kapot na buffer stock kan National Food Authority (NFA) en kaso kaipuhan.
Mientrastanto, bilang lakdang nganing mabawasan an pasanon sa naghahalangkaw na gastos sa produksyon, sienerto kan gobierno na padagos an pagbarewas kan subsidy o tabang pinansyal para sa mga apektadong paraooma asin parasisira.
