LEGAZPI CITY-Natanggap kan Senado an mga dokumentong isinumiter kan Bureau of Internal Revenue mapadapit sa mga rekord sa buwis kan mag-agom na si Bise Presidente Sara Duterte asin Atty. Mans Carpio, asin mga korporasyong may koneksyon sa sainda.
Isinairarom na sa imbentaryo asin proseso an mga dokumento bago makua kan kopya an mga partido.
An pagluwas kan mga dokumento kan BIR an inaprubahan ni President Ferdinand Marcos Jr..
Isinumiter kan BIR ngonian na aldaw an mga tax record ni Duterte sa impeachment court kan Senado.
Susog sa Section 71 kan National Internal Revenue Code, kaipuhan munang maaprubahan kan Presidente an anumang tax document.
An mga isinumite asin iba pang mga dokumentong naka-subpoena, iniimbentaryo asin pinoproseso muna bago makakua kan mga kopya an mga partido.
Isinangat kan impeachment court an mga tax record ni Duterte bangko, asin Anti-Money Laundering Council (AMLC) records matapos magpalitan nin tataramon an mga tagausig na kinakaipuhan an mga ini ngani matukoy kun nakapag-ipon siya nin dai maipaliwanag na kayamanan na dai katimbang kan saiyang legal na kita.
Alagad, nagpataw nin mga limitasyon sa paggamit kan mga dokumento an presiding officer kan paglilitis na si Senator Chiz Escudero kan itao niya an subpoena.
