LEGAZPI CITY – Preparado na sa pag-andam kan tag uran asin iba pang kalamidad an Philippine Port Authority – Port Management Office Bicol (PPA-PMO BICOL).
Segun ki PPA-PMO Bicol Spokesperson Achilles Galindes sa intrevista kan Bombo Radyo Legazpi na nakapreparar sinda sa mga masunod na aldaw, semana, asin bulan.
Dugang pa ni Galindes na igwang mga protocol na nakalatag na para sa pagsuspende kan mga byahe sa pantalan enkaso may mabilog na bagyo na madara nin mga makukusog na pag uran sa rehiyon.
Pigtawanan duon pa kan opisyal na nakikipagtabangan man an ahensya sa saindang partner agencies siring kan Philippine Coast Guard asin Maritime Industry Authority enkaso magkaigwa nin pagsuspende nin byahe sa mga pantalan.
Mientrastanto, Sinabi man ni Galindes na warang byahe kan mga barko an nasuspende kan mga nakaaging aldaw sa ibong kan mga pag uran na namatian sa rehiyon.
