LEGAZPI CITY – Nagtiripon sa Palasyo Malakanyang an enterong alkalde asin gobernador sa nasyon kaibanan an mga regional director kan Department of Interior and Local Government (DILG) para sa post-SONA meeting ki Presidente Rodrigo Duterte.
Segun ki DILG Bicol Director Atty. Anthony Nuyda sa ekslusibong intrevista kan Bombo Radyo Legazpi, diniskutir sa nasabing meeting an mga mawot pang mangyari kan Presidente sa natatadang tulong taon.
Afuera sa mga instruksiyon na ipighayag sa kada local government unit (LGU) sa SONA, liwat na tinawang-duon kaini an marching orders sa local chief executives (LCE) sa kampanya laban sa korapsyon, iligal na droga asin an ease of doing business.
Napag-araman na nasa 114 hale sa 120 alkalde sa Bicol an maduman huli ta nagkapira an may mga inatendirang prior meetings mantang an iba an may helang.
