LEGAZPI CITY – Pighayag kan sarong sarong toxic watchdog group na nagin halangkaw an porsyento kan mga simbahan na nagpaotob nin Zero-waste and toxic Free environment katakod kan semana santa.
Segun ki BAN Toxics campaigner Thony Dizon sa intrevista kan Bombo Radyo Legazpi na dae man niya nahiling an ibang mga lugar sa pilipinas alagad sa mga lugar na saindang nadumanan an nahiling ninda na nagin masigasig an mga nasa gobierno lokal sa mga ciudad asin munisipalidad.
Importante man suboot an visibility kan mga segregation bins nganing masanay an mga tawo na mag-segregate kan saindang mga basura na itatapok asin nganing dae na mapagalan an mga street sweepers.
Dapat man na segregated an mga basura nganing dae ma-expose an mga streetsweepers sa toxic pollution.
Sa obserbasyon man kaini na igwa na nin sadit na pagbabagong nangyayari mapadapit sa pag-ataman kan mga namamanwaan sa kapalibutan.
Dae man suboot mapapakusog an pananampalataya sa kagurangnan kun ika pa mismo an matapok nin mga basura kun sain.
Sa paagi man kan social media an namomonitor ninda an pagmantenir asin pagsyerto nin kalinigan sa mga nagkapirang destinasyon sa pilipinas.
Pagdoon ni Dizon na kun namamantenir an kalinigan sa mga simbahan asin pasyaran an dapat na mamantenir ini taon taon asin bako sana tuyong semana santa.
