LEGAZPI CITY- Narisa kan sarong election watchdog na dominante man liwat an mga political dynasty asin mga may interes na dakulang negosyo.
Narisa man an dakol na mga artista, influencers, content creators asin vloggers an nagsunad nin kandidatura.
Segun ki Kontra Daya Convenor Danilo Arao na maski pa pigtataram kan nasabing mga influencers na indipendent sinda, igwa man liwat na pigigiong pakikipag alyansa sa mga dinastiya.
Dugang pa kan opisyal na nagagamit man sana an nagkapirang personalidad para sa pansadiring interes kan nagkapirang mga partylist ngani na makahakot nin boto sa mga namamanwaan.
Aminado man an grupo na kinakaipuhan man na tawan nin benefit of the doubt an nagkapirang mga personalidad asin tawan nin tsansa na mapatunayan an saindang kakayanan kaya dapat na magin wais an mga namamanwaan.
Segun ki Arao, dapat na haputon kuna no an plano kan nasabing mga kandidato asin ano an isusunad na mga mga propuesto enkasong manggana bilang lehislador.
