LEGAZPI CITY-Sinabi kan sarong political analyst na posibleng maimbitaran sa hearing an pulitikong nabanggit na imbuelto sa modus operandi.
Segun kay Political Analyst Atty. Michael Henry Yusingco, sa intrevista kan Bombo Radyo Legazpi, na “inevitable” na igwang mabanggit na politiko huli sa an mga senador an dating parte kan Department of Public Works and HIghways asin bako man sinda inosente digdi kun sain posibleng imbuelto man sinda sa mga modus operandi.
Dagdag pa niya na sarong makamundo na orolay kaini huli sa igwang konsepto nin parliamentary courtesy, kun sain an pagiimbestiga an igwang tradisyon na pigsusunod na dai pwedisir ipaapod an kaparehong mambabatas sa house of representatives asin sa hearing, alagad posible man suboot ining maimbitaran.
Mantang dai suboot pwedisir i-contempt an sarong attendance kan mambabatas huli sa pig-aapod na parliamentary courtesy, an dai dapat magpundo an komite na magpadara nin imbitasyon ngani na makapagheras man sinda kan saindang kampo, asin impormasyon.
Pwedisir man suboot an voluntary appearance kun matapang an mambabatas asin kun igwa siyang malinig na konsensya.
Dugang pa niya na enkaso dai presente sa masunod na hearing an mga respondents asn pwedisir sindang maarestar siring kan pangyayari kay dating bamban mayor Alice Guo.
Mientrastanto, wara man suboot na kapangyarihan an senado pagabot sa resource person enkaso habu kaini magtaram, huli sa bako man sinda an piskal o prosecutor.
Sinabi man kan opisyal na an mga preliminary investigation na siring kaini an dapat bukas pirmi sa publiko magin an mga proseso kaini.
