LEGAZPI CITY—Padagos na pigpapaotob kan kapulisan sa banwaan nin Polangui an mga lakdang asin kampanya kontra kriminalidad nganing masierto an paz y orden sa lugar.
Segun ki Polangui Municipal Police Station Chief of Police Police Major Christian Brual, sa intrevista kan Bombo Radyo Legazpi, padagos an saindang pagkundusir nin mga checkpoint, asin pagdugang man nin personahess sa ‘places of convergence’ siring kan mga mall, terminal, asin merkado.
Preparado na man suboot an saindang opisina ngonian na holiday season asin nakalinyada na an security plan para sa saindang kapulisan.
Afuera digdi, nakipagkoordinar na man sinda sa iba pang ahensya nin gobierno para sa pag-obserbar kan matoninong na selebrasyon kan Kapaskuhan asin Bagong Taon.
Mientrastanto, pig-asigurar man ni Brual na preparado sindang bantayan 24/7 an namamanwaan kan Polangui nganing mas magin maogma asin mas matoninong an saindang selebrasyon ngunyan na holiday season.
