Nagtitinir na nakaalerto ang Philippine National Police sa bilog na nacion puon sa panahon kan Pasko sagkod sa pagsabat kan Bagong Taon 2026.
Ini nganing masierto an kaligtasan asin seguridad kan publiko sa tahaw kan mga selebrasyon.
Segun ki acting PNP Chief Police Lieutenant General Jose Melencio Nartatez Jr., nagin matrayumpo an pag-obserbar kan siyam na aldaw nin Simbang Gabi.
Wara suboot na nairehistrong anumang insidente na nakaapektar sa katoninongan asin kaligtasan kan mga nagsimba.
Lubot niyang inomaw an dedikasyon asin pagserbi kan mga kapulisan sa pagmamantenir kan seguridad sa mga simbahan asin sa saindang pagpapaotob kan mga ley.
Siring man, tinawan-doon ni PLtGen. Nartatez na magiging mas abala pa an PNP sa panahon kan Pasko asin Bagong Taon kumpara sa Simbang Gabi.
Ini an huli sa piglalaomang pagtaas nin mga insidente na may kinaaraman sa paggamit nin paputok asin iba klase nin firecrackers.
Huli digdi, sinugo na man an gabos nin mga istasyon kan pulisya sa bilog na nacion na pahigoton an saindang kampanya laban sa iligal na pagmamay-ari asin pagpapabakal nin armas, pati na man an mahigot na pagbabawal sa mga iligal na paputok.
Kaiba man sa direktiba an pagtutok sa online na pagbakal kan mga ini, nganing mas mapugulan an pagkalat kan mga peligrosong mga produkto.
