LEGAZPI CITY- Pig-iimbestigaran pa kan mga otoridad an posibleng motibo sa pagpapauran nin bala sa sarong simbahan na harani sa police station sa Magallanes, Sorsogon.
Sa intrevista kan Bombo Radyo Legazpi ki Pol. Lt. Joseph Millares kan Magallanes PNP, palaisipan pa sa ngunyan kung arin talaga an target kan tolong armadong suspek na nagpaputok sa anggulo kan simbahan kan Our Lady of Mt. Carmel na nasa hampang kan police station.
Segun ki Millares, kun an police station kaya an target kan mga suspek, pwedesir man kuta na naglipat an mga ini nin pwesto ngani na matamaan an mga kabuhan.
Base sa imbestigasyon kan mga otoridad, nasa 39 basyo nin M16, 33 sa M14 asin tolong dae nagputok na bala an narekober sa pigpwestuhan kan mga suspek mantang anas sa simbahan an mga tama.
Huli digdi, nakikipag-olay na an PNP sa mga personahes kan simbahan tangarig maaraman kun nakaresibe nin huma o patakot antes na mangyari an insidente.
Napag-araman na mantang nagdudulag an mga suspek lunad nin motorsiklo, nagpaputok pa an mga ini asin nagtaram na miyembro suboot kan New people’s Army (NPA).
