LEGAZPI CITY- Nakahanda an mga kapulisan sa Sorsogon sa pagtatao nin asistensya sa publiko asin sa mga lokal na gobierno, enkasong magkaigwa nin pagputok an bulkang Bulusan, sa tahaw kan paglangkaw kan mga aktibidad kaini.
Segun ki Sorsogon Police Provincial Office Spokesperson PMaj. Arwin Destacamento sa intrevista kan Bombo Radyo Legazpi na naglaag nin border control point sa mga lugar na nasa 4km radius permanent danger zone ngani na matawan nin patanid an publiko.
Kaibanan sa mga piglatagan nin border control point an mga barangay na nasa permanent danger zone asin 2km extended danger zone sa mga banwaan kan Bulusan, Irosin, Casiguran, Juban, Barcelona asin Gubat.
Sa ibong kan aktibong pagbabantay, dae man suboot pigpapasipara an seguridad kan mga kapulisan kan provincia.
Afuera digdi, sinabi ni Destacamento na nakahanda man an kapulisan na magtaong asistensya enkasong magpaotob nin pag-ebakwar sa mga apektadong lugar huli ta naka preposition man an gabos na mobility.
