Inireport kan Philippine National Police (PNP) na naging matoninong an pag-obserbar kan Holy Week 2026 sa bilog na nacion, kun sain warang nairehistrong insidente sagkod kan aldaw nin Lunes, Abril 6.
Basado sa saindang datos, nagbaba an numero kan vehicular accidents hale sa 9,388 kan nakalihis na taon pasiring sa 8,259 ngunyan na taon. Nairehistro man an pagbaba sa drowning incidents hale sa 143 pasiring 84 na insidente.
Alagad nanutaran an paghalangkaw nin fire incidents, na umabot sa 170 ngunyan na taon hale sa 82 kan 2025.
Sa sarong pulong balitaan, inamin ni Interior Secretary Jonvic Remulla, na may kinaaraman an pagka-octaba sa procurement kan fire trucks sa paghalangkaw nin kasulo.
Mantang nagbaba man nin 23% ang focus crimes hale sa 1,574 kaso kan 2025 pasiring sa 1,207 ngunyan na taon.
Segun ki PNP Chief Jose Melencio Nartatez Jr., dakula an nagin papel kan pakikipagtabangan kan mga local government unit asin at iba pang law enforcement agencies sa pagbaba kan krimen.
Tinawan-doon kan PNP na importante an padagos na koordinasyon kan mga ahensya de gobierno asin namamanwaan nganing mamantinir an katoninongan asin kaligtasan urog sa panahon kan darakulang okasyon.
