Pigsugo na ni Philippine National Police Acting Chief Lt. Gen. Jose Melencio Nartatez Jr. an Criminal Investigation and Detection Group na aramon kun saen hale an labi sa P15 milyong kantidad nin relief goods na nakumpiskar sa negosyante sa Maynila.
May tatak na Department of Social Welfare and Development (DSWD) an nakumpiskar na relief goods.
Segun ki Nartatez nagpapadagos an pigkukundusir nindang imbestigasyon asin pigsusundan ninda an mga lead na posibleng tumutukoy sa pagkakadawit kan iba pang indibidwal.
Nagtutubod sindang bako sana ini gibo nin sarong katawo asin determinado sindang bistohon an bilog na grupo sa likod kan nasabing ilegal na pagpapabakal.
Sienerto man kan opisyal na maninimbag an gabos kan nagkutsabahan nganing pagkakitaan an relief goods na nakatagama para sa mga namamanwaan.
Pigsugo na an CIDG na i-trace an bilog na supply chain kan nakumpiskar na relief goods: gikan sa pinagkuahan kaini sagkod sa ilegal na pagpapabakal kaini sa black market.
Obheto kan imbestigasyon na matukoy bako sana an small-time operators kundi an darakulang sindikato asin posibleng insiders na nagggamit sa pagsasadiri kan gobyerno para sa pansadiring interes.
