Ipigsugo ni PNP Acting Chief Lt. Gen. Jose Melencio Nartatez Jr. an mahigot na imbestigasyon sa likod kan pagporbar na pagpapabakal nin ₱15.5 milyong kantidad kan DSWD relief goods na nadiskubre kan Criminal Investigation and Detection Group (CIDG) sa sarong operasyon sa sarong bodega sa Tondo, Maynila kan Oktubre 2.
Nakumpiskar kan mga operatiba an 6,000 na kahon kan DSWD Family Kits na may markang “Not for Sale” na nagresulta sa pagkadakop kan sarong suspek na ngonian nahahampang na sa kasong pagbalgar sa Republic Act 10121 o Philippine Disaster Risk Reduction and Management Act asin Article 179 kan Revised Penal Code.
Segun kay Nartatez, bako ini gibo kan sarong tawo sana asin padagos an imbestigasyon nganing maaraman an iba pang imbwelto, kabale an posibleng mga sindikato o insider sa laog kan ahensya.
Enot nang pigklaro kan DSWD na wara sa saindang mga personahes an imbuelto sa insidente.
Pigsierto kan national police chief na maninimbag an gabos na nakinabang sa relief goods na pig-alokar para sa mga biktima nin kalamidad.
Nakikipagtabangan man an PNP sa DSWD para mas mapakusog an monitoring and tracking system laban sa pag-abuso sa ayuda.
 in an operation at a warehouse in Tondoga, Maynila on October 2.){kind=link}