LEGAZPI CITY- Nanindugan an Police Regional Office V na magtetenir sindang warang pigkikilingan asin honesto sa mandato asin sa komunidad kasunod kan pagkaka arestar asin pag-kustodiya kan International Criminal Court ki dating Presidente Rodrigo Duterte.
Segun ki PRO 5 Director Brig. General Andre Dizon sa intrevista kan Bombo Radyo Legazpi na dae mapartisipar an mga kapulisan sa rehiyon sa anuman na mga paghiro.
Padagos man suboot an pigigibong monitoring kan saindang intelligence unit asin wara man na nahihiling na anuman na grupo na nagpa plano na maglansar nin mga hiro-protesta.
Katakod kaini, sinierto man opisyal na warang dapat ikahadit na magkaigwa nin kariribukan sa rehiyon.
Mientras tanto, nangapudan man si Dizon sa publiko na dae basta-basta magtubod sa mga nababasang impormasyon sa social media huli ta posibleng mabiktima ni fake news kun magtutubod sa bako beripikadong mga bareta.
