LEGAZPI CITY- Nagpahayag nin kahandaan an kapulisan sa rehiyong Bicol na magtaong seguridad kasabay kan nakatalaan na pagpupuon kan campaign period sa Marso 28.
Marurumduman na sa nasabing aldaw, magkakaigwa nin simultaneous Oplan Baklas kun sain komon na pighahagad kan Commission on Elections an asistensya kan mga kapulisan.
Segun ki Police Regional Office 5 Director Brig. General Andre Dizon sa intrevista kan Bombo Radyo Legazpi na ngunyan pa sana, pigpapagirumduman na an mga kandidato na halion an mga campaign materials na dae nagsusunod sa election rules.
Kaibanan sa mga ini an oversized posters asin mga dae nakalaag sa common posting areas.
Dugang pa kan pigpapagirumduman man an saindang mga personahe dapit sa code of professional conduct and ethical standards.
Ini an ngani na maibitaran an anuman na problema sa pagultangan kan mga kapulisan asin kan mga aspirante durante kan election period.
