LEGAZPI CITY—Pighayag kan Philippine National Police Region V na preparado na an saindang opisina sa pagserbi para sa nagdadangadang na eleksyon sa Lunes, Mayo 12, 2025.
Segun ki Police Regional Office 5 Regional Director Police Brigadier General Andre Dizon, sa intrevista kan Bombo Radyo Legazpi, na nasa labing 8,000 na mga personahes kan saindang ahensya an naka-deploy sa manlaen-laeng lugar sa bilog na rehiyong Bicol.
Afuera digdi pwedesir na magsakat sa 12,000 na personahes an maide-deploy kun dudugangan pa ini kan mga personahes gikan sa Armed Forces of the Philippines, Philippine Coast Guard, Bureau of Fire Protection, asin Bureau of Jail Management and Penology.
Nagbugtak pa an saindang ahensya nin reserve forces sa mga headquarters kan kapulisan en kaso kinakaipuhan pa nin dugang na tabang sa mga probinsya.
Abiso man ni Dizon sa publiko na bantayan an isasagibong eleksyon huli ta saro ining sagradong karapatan kan mga botante na nakabugtak sa Konstitusyon kan Pilipinas.
Siring man na i-report sa saindang kapulisan an mga bako kanais-nais o ilegal na gibo nganing maaksyunan tulos kan mga otoridad.
