LEGAZPI CITY- Nasa 99.9% na an kahandaan kan mga kapulisan sa rehiyong Bicol sa paglalatag nin seguridad para sa nagdadangadang na eleksyon.
Segun ki Police Regional Office Bicol Director Brig. General Andre Dizon na babantayan kan mga kapulisan an gabos na kandidato asin mga polling precincts hasta sa bilog na durasyon kan bilangan nin boto.
Ini an ngani na masierto na magigin matrangkilo an pirilian sa Mayo 12.
Segun sa opisyal namagtatrabaho an bilog na pwersa kan organisasyon ngani na mas madaling maranihan kan publiko kun enkso igwang dae pinaglalaoman na mga insidente.
Aminado man si Dizon na an mga pigbabatayan na areas of concern an posible pang magkaigwa nin development mantang paparani an eleksyon.
Huli digdi sinierto kan opisyal na gagamiton kan mga kapulisan an gabos na resources para sa saindang security plan.
