LEGAZPI CITY- Inasegurar kan Philippine National Police sa rehiyong Bicol an padagos na paglaban sa iligal na droga urog na ngunyan na paparani na an holiday season.
Segun ki Police Regional Office 5 Director Police BGen. Andre Dizon sa intrevista kan Bombo Radyo Legazpi na para sana sa bulan nin Disyembre, nakakumpiskar na nin labi sa P1 million na kantidad nin illegal drugs.
Basado man sa datos kan ahensya puon Enero hasta Disyembre, igwa ng nasa kabilugan na poco mas o menos P120 million na an confiscated na iligal na droga sa manlain lain na mga operasyon sa rehiyon.
Katakod kaini, dakula an pasasalamat kan opisyal sa tabang kan mga barangay officials asin sa mga miyembro kan komunidad na padagos na nagtataong impormasyon sa mga kapulisan.
Sa paagi kan nasabing mga impormasyon, nagigin positibo an mga operasyon na ipigkokundusir kan mga otoridad.
