LEGAZPI CITY – Padagos an paglaom kan grupong PISTON na mapahonrahan na an pighahagad na special session sa pagtukar kan pagsuspendi kan excise tax sa mga produktong petrolyo.
Ini kaya an pighihiling na saro sa mga rason kan padagos na paglangkaw kan presyo kan mga produktong petrolyo.
Sa intrevista kan Bombo Radyo Legazpi ki PISTON National President Mody Florada, sa panibagong olil price hike sa aga, madugang nin P5. 10 hasta P5.40 sa kada litro kan diesel, P3.90 sa kada litro kan gasolina asin kerosene.
Dugang pa ni Floranda na napapanahon nang mapahonrahan an nasabing kahagadan urog na pig-aandaman an padagos na paglangkaw kan mga presyo sa mga susunod pang semana.
Mientras tanto, dae man kasabay an nasabing grupo sa mga naghahagad na maglangkaw nin minimum fare huli ta namamatian man an sentimyento kan riding public.
