Legazpi City- Mainit na sa ngunyan an nagiging sitwasyon kan paparaning pirilian sa Estados Unidos
Sa intrevista kan Bombo Radyo Legazpi kay Marlon Pecson, Bombo International News Correspondent sa Chicago USA, gitgitan an nagiging laban nina Kamala Harris asin Donald Trump para sa pagka-Presidente kan naunambitang nasyon. Pirang oras antes an pirilian dae pa maidetipikar kan mga namamanwaan kan US kun siisay an manggagana sa pirilian.
Maabot na man sa 77 milyon na mga botante kan US an nakisumaro sa early voting sa nasyon mantang igwa man na nairehistro absentee voting para sa mga botante lalo na sa mga nasa Military service.
Masagibo man nin final campaign rally si Vice President Kamala Harris sa parte kan AllenTown Pittsburgh, Pennsylvania asin magkakaigwa nin Late night rally kaibanan si Oprah Winfrey asin Lady Gaga. Mientras tanto Si Donald Trump an nakatalaan man na magpasiring sa 3 estado kan US partikular na sa North Carolina ,Pennsylvania asin tatapuson an rally sa Michigan.
An Pittsburgh an igwa nin 19 electoral vote na kun sain ini an lugar na igwang pinakadakol na Swing votes na kinakaipuhan ipanggana kan duwang aspirante. Pinagkukunsidirar man na sarong Historic Election o Triumph an pirilian asin an resulta kan boto.
Enkasong si Harris an manggana siya an magiging kaenot-enoting Black American Woman na magiging Presidente kan US. Mantang enkasong si Trump an manggana huli siya an kaenot-enotin president na magiging presidente na convicted sa sarong kaso.
Pinagkukunsidirar pa man na Statistically tie an sitwasyon kan duwang aspirate huli sa nagiging banga an opinyon kan mga botante. Pinaglalaoman na man na magiging marikas man an pagpapaluwas kan Election huli sa Automated man an magiging pirilian sa nasyon.
