Nagkapirang mga mambabatas an nangapodan para sa transparency asin accountability sa mga flood control projects sa nacion.
An nasabing pahayag an ginibo makalihis an State of the Nation Address ni Presidente Ferdinand Marcos Jr kan nakaaging aldaw.
Segun ki Mamamayang Liberal Party-list Representative Leila de Lima, dae na siya nabigla sa reaksyon kan mga mambabatas makalihis na sabihon kan presidente sa saiyang SONA an nagpapadagos na imbestigasyon sa flood control projects sa nakalihis na tolong taon.
Nanindugan si Marcos na dakula an ginastos kan gobyerno sa siring na mga proyekto alagad bako ini epektibo.
Magigirumduman na dakulang parte kan nasyon an binaha makalihis an makusog na pag-uran na dara kan magkasunod na maraot na panahon sa ibong kan pagkakaigwa nin flood control projects.
Suportado man ni Quezon City Rep. Bong Suntay an pahayag kan Presidente na labanan an talamak na kurapsyon sa flood control.
Sinabi niya na kaipuhan ining i-audit asin tawan nin hararom na imbestigasyon.
